தமிழ்நாட்டிற்கு மோடி அரசு செய்தவை என்னென்ன?

தமிழ்நாட்டில் 5 லட்சம் கிராமப்புற வீடுகளுக்கு பாரத்நெட் இணைய இணைப்பு — திருத்தப்பட்ட பாரத்நெட் திட்டத்தின் கீழ், தமிழ்நாட்டின் கிராமப்புற வீடுகளுக்கு அதிவேக இணைய இணைப்பு வழங்குவதற்கான ஒப்பந்தம், மத்திய தொலைத்தொடர்புத் துறையின் டிஜிட்டல் பாரத் நிதி, தமிழ்நாடு அரசு மற்றும் TANFINET இடையே கையெழுத்தானது. மத்திய அரசின் நிதியுதவியுடன் 5 லட்சத்திற்கும் அதிகமான கிராமப்புற வீடுகளுக்கு ஃபைபர் இணைப்பு கிடைக்கும்; மேலும் 4,767 கிராமங்களுக்குத் தேவைக்கேற்ப இணைப்பு வழங்கப்படும்.

தூத்துக்குடி மெகா கப்பல் கட்டும் தளத்திற்கு வேகம் — தூத்துக்குடியில் அமையவுள்ள 4 பில்லியன் டாலர் முதலீட்டிலான புதிய கப்பல் கட்டும் தளம் குறித்து, மத்திய துறைமுகங்கள் அமைச்சர் சர்பானந்த சோனோவால் சியோலில் HD Hyundai தலைவருடன் பேச்சுவார்த்தை நடத்தினார். HD Hyundai முதன்மை முதலீட்டாளராகப் பங்கேற்பதை உறுதிப்படுத்தியது; திட்டத்தைக் கண்காணிக்கக் கூட்டுப் பணிக்குழு அமைக்கப்பட்டு, விரிவான திட்ட அறிக்கை ஆறு மாதங்களுக்குள் இறுதி செய்யப்படும்.

காசி தமிழ்ச் சங்கமம் 5.0 — 'திருக்குறள் பயில்வோம்' — தமிழ்நாட்டுக்கும் காசிக்கும் இடையிலான பண்பாட்டுப் பிணைப்பைக் கொண்டாடும் காசி தமிழ்ச் சங்கமத்தின் ஐந்தாவது பதிப்பு, 'திருக்குறள் பயில்வோம்' என்ற கருப்பொருளில் 28 நவம்பர் முதல் 12 டிசம்பர் 2026 வரை நடைபெறும் என மத்திய கல்வி அமைச்சகம் அறிவித்து, பதிவுத் தளத்தைத் தொடங்கியது. திருக்குறளின் அறநெறிகளை நாடு முழுவதும் உள்ள இளைஞர்களிடம் கொண்டு சேர்ப்பதே இதன் நோக்கம்.

ஈரோடு பனைவெல்லம் முதன்முறையாக ஐரோப்பாவுக்கு ஏற்றுமதி — மத்திய அரசின் APEDA உதவியுடன், ஈரோடு மாவட்டம் கோபிசெட்டிபாளையத்திலிருந்து 1.755 மெட்ரிக் டன் இயற்கை முறை பனைவெல்லத் தூள் பல்கேரியாவுக்கு முதல்முறையாக ஏற்றுமதி செய்யப்பட்டது. 137 ஏக்கர் இயற்கை விவசாயத்தை உள்ளடக்கிய இம்முயற்சியால், உள்நாட்டுச் சந்தையை விட விவசாயிகளுக்கு சுமார் 15–22% கூடுதல் விலை கிடைக்கிறது.

தேனி, கன்னியாகுமரி, ராமநாதபுரத்தில் புதிய ஆதார் சேவை மையங்கள் — மத்திய அரசின் ஆதார் ஆணையம் (UIDAI) தேனி, கன்னியாகுமரி மற்றும் ராமநாதபுரத்தில் புதிய ஆதார் சேவை மையங்களைத் திறந்தது. இதன் மூலம் தமிழ்நாட்டில் UIDAI நேரடியாக நடத்தும் மையங்களின் எண்ணிக்கை 24 ஆக உயர்ந்துள்ளது; விரைவில் இது 30 ஆக விரிவுபடுத்தப்படும் (13–16 அக்டோபர்).

மணலியில் ₹1,620 கோடி மசகு எண்ணெய் மூலப்பொருள் திட்டத்திற்கு அடிக்கல் — மணலி CPCL சுத்திகரிப்பு ஆலையில், உயர்தர மசகு எண்ணெய்க்கான அடிப்படை எண்ணெய் உற்பத்தித் திட்டத்திற்கு பிரதமர் மோடி அடிக்கல் நாட்டினார். ஆண்டுக்கு 2.7 லட்சம் டன் உற்பத்தித் திறனுடன், உள்நாட்டு உற்பத்தியை அதிகரிக்க இத்திட்டம் உதவும்.

காமராஜர் துறைமுக ஆழப்படுத்தும் பணிகளுக்கு அடிக்கல் — காமராஜர் துறைமுகத்தின் சரக்குப் பெட்டக முனைய விரிவாக்கத்திற்கான ஆழப்படுத்தும் பணிகளுக்கு பிரதமர் மோடி அடிக்கல் நாட்டினார். முதல் கட்டத்தின் இரண்டாம் நிலைப் பணிகளாக மேற்கொள்ளப்படும் இத்திட்டம், முனையத்தின் செயல்பாட்டுத் திறனை மேம்படுத்த உதவும்.

காமராஜர் துறைமுகத்தில் மூன்றாவது நிலக்கரி கப்பல்தளம் திறப்பு — எண்ணூர் காமராஜர் துறைமுகத்தில் அமைக்கப்பட்ட மூன்றாவது நிலக்கரி கப்பல்தளத்தை பிரதமர் மோடி திறந்து வைத்தார். துறைமுகத்தின் நிலக்கரிக் கையாளும் வசதியை விரிவுபடுத்தும் முக்கிய கட்டமைப்பாக இது அமைந்துள்ளது.

சென்னை துறைமுகத்தில் புதிய வசதிகள் திறப்பு — சென்னை துறைமுகத்தில் சரக்குச் சேமிப்புத் தளம், நான்கு ஏற்றுமதி–இறக்குமதி கிடங்குகள், மேம்படுத்தப்பட்ட சுற்றுலாக் கப்பல் முனையம் மற்றும் மாலுமிகள் நல மையத்தை பிரதமர் மோடி திறந்து வைத்தார். சரக்குக் கையாளுதல் மற்றும் பயணிகள் வசதிகள் மேம்படுத்தப்பட்டுள்ளன.

தமிழ்நாட்டில் ஐந்து புதுப்பிக்கப்பட்ட ரயில் நிலையங்கள் திறப்பு — அம்ரித் பாரத் நிலையத் திட்டத்தின் கீழ் மேம்படுத்தப்பட்ட பழனி, வேலூர் கண்டோன்மென்ட், அம்பாசமுத்திரம், பரமக்குடி மற்றும் நாமக்கல் ரயில் நிலையங்களை பிரதமர் மோடி திறந்து வைத்தார். பயணிகளுக்கான வசதிகளும் நிலையக் கட்டமைப்புகளும் மேம்படுத்தப்பட்டுள்ளன.

கோவை மற்றும் சுற்றுவட்டாரத்தில் மூன்று ரயில்வே மேம்பாலங்கள் — கோவை மற்றும் சுற்றுவட்டாரப் பகுதிகளில் அமைக்கப்பட்ட மூன்று ரயில்வே மேம்பாலங்களை பிரதமர் மோடி நாட்டிற்கு அர்ப்பணித்தார். ரயில்வே கடவுகளில் வாகனங்கள் காத்திருப்பதைக் குறைத்து, சாலைப் பாதுகாப்பையும் போக்குவரத்து வசதியையும் இவை மேம்படுத்தும்.

காரைக்கால்–பேரளம் ரயில் பாதை நாட்டிற்கு அர்ப்பணிப்பு — காரைக்காலையும் தமிழ்நாட்டின் பேரளத்தையும் இணைக்கும் ரயில் பாதையை பிரதமர் மோடி நாட்டிற்கு அர்ப்பணித்தார். இரு பகுதிகளுக்கிடையேயான ரயில் இணைப்பையும், பயணிகள் மற்றும் சரக்குப் போக்குவரத்தையும் இத்திட்டம் வலுப்படுத்துகிறது.

₹3,700 கோடி நெடுஞ்சாலைத் திட்டங்கள்: திறப்பு மற்றும் அடிக்கல் — 36 கி.மீ. வடுகப்பட்டி–தெற்குவெங்காநல்லூர் நான்குவழிச் சாலையையும், 30 கி.மீ. மதுரை நான்குவழிச் சுற்றுச்சாலையையும் பிரதமர் மோடி திறந்து வைத்தார். திருவாரூர் நான்குவழிப் புறவழிச்சாலைக்கும் அடிக்கல் நாட்டினார். இத்திட்டங்கள் பயண நேரத்தையும் போக்குவரத்து நெரிசலையும் குறைக்க உதவும்.

₹4,900 கோடியில் பூந்தமல்லி–வடபழனி மெட்ரோ சேவை தொடக்கம் — சென்னை மெட்ரோ இரண்டாம் கட்டத்தின் பூந்தமல்லி–வடபழனி வழித்தடத்தை பிரதமர் மோடி தொடங்கி வைத்தார். சுமார் 15 கிலோமீட்டரில் 11 நிலையங்களைக் கொண்ட இவ்வழித்தடம், சென்னையின் மேற்குப் புறநகர்ப் பகுதிகளுக்கான போக்குவரத்து வசதியை மேம்படுத்துகிறது.

திருச்சிக்கு நிரந்தர ரயில் சேவை; தூத்துக்குடியில் கூடுதல் சரக்கு வசதி — அகமதாபாத்–திருச்சி சிறப்பு ரயில், வழக்கமான வாராந்திர விரைவு ரயிலாக மாற்றப்பட்டது. தூத்துக்குடி வ.உ.சி. துறைமுகத்தில் 40,000 சதுர மீட்டர் கூடுதல் சரக்குப் பெட்டகச் சேமிப்பிடம் மற்றும் தகுதியுள்ள பெட்டகங்களுக்கு 10 நாட்கள் வரை இலவசச் சேமிப்பு வசதி அறிவிக்கப்பட்டது (24–27 செப்டம்பர்).

₹17,167 கோடியில் தூத்துக்குடி வெளித்துறைமுகத் திட்டத்திற்கு ஒப்புதல் — வ.உ.சிதம்பரனார் துறைமுகத்தின் மறுசீரமைக்கப்பட்ட வெளித்துறைமுகத் திட்டத்திற்கு மத்திய அமைச்சரவைக் குழு ஒப்புதல் அளித்தது. புதிய கட்டமைப்புகள், ஆழப்படுத்தும் பணிகள் மற்றும் சரக்குப் பெட்டக முனையங்கள் மூலம் பெரிய கப்பல்களைக் கையாளும் திறன் அதிகரிக்கும்.

₹6,126 கோடி ரயில் திட்டங்களுக்கு ஒப்புதல்; மின்மயமாக்கல் நிறைவு — அரக்கோணம்–ரேணிகுண்டா மூன்றாவது, நான்காவது பாதைகள், ஓசூர்–ஓமலூர் மற்றும் சேலம்–கரூர்–திண்டுக்கல் இரட்டைப் பாதைகள் என ₹6,126 கோடி திட்டங்களுக்கு மோடி அரசு ஒப்புதல் அளித்தது. பட்டுக்கோட்டை–காரைக்குடி 71 கி.மீ. ரயில் பாதையின் மின்மயமாக்கலும் நிறைவடைந்து ஆய்வு மேற்கொள்ளப்பட்டது.

குவைத்தில் தவித்த தமிழ்ப் பெண்ணைக் காப்பாற்ற உதவிய மோடி அரசு — குவைத்தில் துன்புறுத்தப்படுவதாக உதவி கோரிய கள்ளக்குறிச்சி வனிதாவுக்கு, இந்தியத் தூதரகம் உதவிக்கரம் நீட்டித்தது. அவர் தூதரகத்தின் பாதுகாப்பில் இருப்பதை மத்திய வெளியுறவு அமைச்சகம் உறுதிப்படுத்தியது.

தமிழ்நாட்டில் நான்கு புதிய ஆதார் சேவை மையங்கள் — மக்களுக்கு ஆதார் சேவைகள் எளிதில் கிடைக்க, மத்திய அரசின் ஆதார் ஆணையம் தருமபுரி, ஈரோடு, திருவண்ணாமலை மற்றும் திண்டுக்கல்லில் புதிய மையங்களைத் திறந்துள்ளது. புதிய பதிவு மற்றும் விவரத் திருத்தச் சேவைகள் வழங்கப்படுகின்றன (2–4 செப்டம்பர்).

ஏழு தமிழக மீனவர்கள் தாயகம் திரும்பினர் — இலங்கையில் விடுவிக்கப்பட்ட ஏழு தமிழக மீனவர்கள், இந்தியத் தூதரக அதிகாரிகளிடம் ஒப்படைக்கப்பட்டு சென்னை திரும்பினர். மத்திய அரசின் தூதரக உதவியைத் தொடர்ந்து, தமிழக மீன்வளத்துறை அதிகாரிகள் அவர்களைச் சொந்த ஊர்களுக்கு அழைத்துச் சென்றனர்.

கும்மிடிப்பூண்டி–கூடூர் ரயில் பாதை விரிவாக்கத்திற்கு ஒப்புதல் — தமிழ்நாடு–ஆந்திராவை இணைக்கும் 90 கி.மீ. கும்மிடிப்பூண்டி–கூடூர் வழித்தடத்தில் மூன்றாவது மற்றும் நான்காவது ரயில் பாதைகளை அமைக்க பிரதமர் மோடி தலைமையிலான மத்திய பொருளாதார விவகாரங்களுக்கான அமைச்சரவைக் குழு ஒப்புதல் அளித்தது.

தமிழ்நாட்டுக்கு 7 புதிய மின்னணுக் கூறுகள் உற்பத்தித் திட்டங்கள் — மத்திய அரசின் ECMS திட்டத்தின் கீழ் ஒப்புதல் பெற்ற 31 புதிய விண்ணப்பங்களில், அதிகபட்சமாக தமிழ்நாட்டைச் சேர்ந்த 7 விண்ணப்பங்களுக்கு ஒப்புதல் வழங்கப்பட்டது.

மோடி அரசின் ஆதரவுடன் சென்னை நிறுவனத்தின் சிப் சாதனை — மத்திய அரசின் சிப் வடிவமைப்பு ஊக்குவிப்புத் திட்டத்தின் ஆதரவுடன், சென்னை அஹீசா நிறுவனத்தின் ‘விஹான்’ இணையத் தொடர்பு சிப் முதல்கட்டச் சோதனையில் வெற்றி பெற்றுள்ளது. உள்நாட்டுத் தொழில்நுட்ப வளர்ச்சியில் இது முக்கிய முன்னேற்றமாகும்.

சென்னை MEPZ உள்கட்டமைப்பு முழுமையாக மறுசீரமைப்பு — சென்னை MEPZ சிறப்புப் பொருளாதார மண்டலத்தில் மின்சாரம், நீர்வழங்கல், போக்குவரத்து, வடிகால், கழிவுநீர் மேலாண்மை உள்ளிட்ட அமைப்புகளை மேம்படுத்தும் ஒருங்கிணைந்த உள்கட்டமைப்பு மறுசீரமைப்புத் திட்டம் தொடங்கப்பட்டது.

மனித–யானை மோதலைக் குறைக்க ₹500 கோடி செயல் திட்டம் — தமிழ்நாடு உட்பட நான்கு தென் மாநிலங்களுக்கு ₹500 கோடி மத்திய ஆதரவுடன் மனித–யானை மோதல் மேலாண்மை செயல் திட்டமும், நீலகிரி யானைகள் காப்பகத்திற்கான மாதிரி பாதுகாப்புத் திட்டமும் வெளியிடப்பட்டன.

தமிழ்நாட்டில் டீப்-டெக் தொழில்களுக்கு ஊக்கம் — கல்பாக்கம் IGCAR தொழில்நுட்பங்களைத் தமிழ்நாட்டில் வணிகமயமாக்க AIC FAST மற்றும் Guidance Tamil Nadu இடையே புரிந்துணர்வு ஒப்பந்தம் கையெழுத்தானது.

சென்னை துறைமுகத்துக்குச் சரக்கு ரயில் இணைப்பு — ஹைதராபாத் சனத்நகர் சரக்குப் பெட்டக முனையம்–சென்னை துறைமுகம் இடையிலான கன்டெய்னர் சரக்கு ரயில் சேவை மீண்டும் தொடங்கப்பட்டது.

கோவைக்கு புதிய அம்ரித் பாரத் ரயில் — தன்பாத்–கோயம்புத்தூர் இடையே புதிய அம்ரித் பாரத் எக்ஸ்பிரஸ் ரயிலை அறிமுகப்படுத்த ரயில்வே வாரியம் ஒப்புதல் அளித்தது.

₹420.16 கோடி முதலீடு; 1,894 வேலைவாய்ப்புகள் — கோயம்புத்தூர் மற்றும் ஒரகடம்–ஸ்ரீபெரும்புதூரில் மூன்று தொழில் திட்டங்களுக்கான ₹420.16 கோடி தனியார் முதலீட்டு முன்மொழிவுகளுக்கு MEPZ ஒப்புதல் அளித்தது.

குடிநீர் கட்டமைப்புக்காக ₹96.52 கோடி — 'ஜல் ஜீவன்' திட்டத்தின் கீழ், வீடுகளுக்குக் குழாய் மூலம் குடிநீர் வழங்கும் பணிகளுக்காக தமிழ்நாடு அரசு செய்த செலவை மத்திய அரசு திருப்பி வழங்கியுள்ளது.

பழங்குடியின மக்களின் தொழில்களை அடையாளம் கண்டு, அவர்களுக்கு வழிகாட்டி, நிதி உதவி வழங்கி ஊக்குவிக்கும் மத்திய அரசின் திட்டத்தில் 'ஸ்டார்ட்அப் தமிழ்நாடு' (Startup TN) இணைக்கப்பட்டுள்ளது.

முன்கூட்டியே விடுவிக்கப்பட்ட ₹4,466 கோடி நிதி — தமிழ்நாட்டின் வளர்ச்சி மற்றும் மக்கள் நலத்திட்டங்களை செம்மையாகச் செயல்படுத்தும் வகையில், மத்திய அரசின் வரி பகிர்வில் இருந்து கூடுதல் முன்பணத் தவணையாக இந்தத் தொகையை மோடி அரசு முன்கூட்டியே வழங்கியுள்ளது.

பொதுமக்களுக்கு அடையாள அட்டை தொடர்பான சேவைகள் எளிதில் கிடைக்க, சேலம், காஞ்சிபுரம் மற்றும் தஞ்சாவூரில் புதிய பிரத்யேக ஆதார் மையங்கள் திறக்கப்பட்டுள்ளன (14–22 ஜூலை).

விருதுநகர் — சம்பா மிளகாய் உற்பத்தி செய்யும் உழவர் உற்பத்தியாளர் நிறுவனத்திற்கு, மிளகாய் சார்ந்த மதிப்புக் கூட்டப்பட்ட பொருட்களை உள்நாடு மற்றும் வெளிநாடுகளுக்கு ஏற்றுமதி செய்ய அரசு ஆதரவு அளித்துள்ளது.

சென்னை பூங்கா (Park), சின்ன சேலம் மற்றும் குன்னூர் ரயில் நிலையங்கள், பயணிகளுக்கான மேம்பட்ட வசதிகள் மற்றும் உள்ளூர் கலாச்சாரத்தைப் பிரதிபலிக்கும் கட்டமைப்புடன் புதுப்பிக்கப்பட்டுள்ளன.

தமிழ்நாட்டின் கிராமப்புற வேலைவாய்ப்பு மற்றும் வாழ்வாதாரத் திட்டங்களுக்காக ₹7,585.49 கோடி இடைக்கால ஒதுக்கீடு செய்யப்பட்டது. இதில் முதல் தவணைக்கான ₹2,176.84 கோடிக்கு நிர்வாக அனுமதி வழங்கப்பட்டது.

கொளத்தூரில் புதிய அஞ்சலக பாஸ்போர்ட் சேவை மையம் வடசென்னைவாசிகளின் வசதிக்காக பிரத்யேகமாக திறக்கப்பட்டுள்ளது.

சந்தையில் விலை வீழ்ச்சியடைவதைத் தடுக்கும் வகையில், தமிழ்நாட்டு விவசாயிகளிடம் இருந்து 87,226 மெட்ரிக் டன் கொப்பரைத்தேங்காய் மற்றும் 96,879 மெட்ரிக் டன் தோத்தாபுரி மாம்பழங்களையும் கொள்முதல் செய்ய மத்திய அரசு ஒப்புதல் அளித்துள்ளது.